Haqabtirenews.com
Amiir Maxamed Bin Salmaan Oo Bookhasho Ku Jooga Dalka Faransiiska
April 9, 2018 - Written by Warbaahinta Haqabtire
">

Paris:-(HTN) Madaxweynaha Faransiiska, Emmanuel Macron, ayaa ku qaabilay dhaxal sugaha taajka boqortooyada Sucuudiga, Amiir Maxamed Bin Salmaan, casho sharaf lagu qabtay matxafka Louvre ee ku yaal magaalada Paris.

Amiir Maxamed ayaa waxa Faransiiska uga bilaabmaysa booqasho rasmi ah oo saddex maalood qaadanaysa, taas oo la filayo in labada dal inta uu halkaa joogo kala saxeexan doonaan heshiisyo dhawr ah oo dhinacyada tamarta, beeraha, dalxiisa iyo dhaqanka ah.

Faransiiska ayaa la filayaa in Amiirku ka codsado in uu wax ka dhiso magaalada Al-Culaa loo bixyey ee uu Sucuudigu doonayo inuu ka dhiso goob aasaar taariikhi ahi ku yaalaan oo ku taal badhtamaha saxaraha.

Hase yeeshee, booqashadani waxay sidoo kale dhalisay muran, oo waxa jira dad badan oo Faransiis ah oo ka cadhaysan in Faransiisku hub ka iibiyo Sucuudiga, sababta oo ah dagaalka Yemen ka socda ee uu ku lugta leeyahay.

COMMENTS
Latest News