Haqabtirenews.com
Golaha Guurtida Soomaaliya Oo Maanta Ka Doodaya Arrinta Shirkadda DP World
March 13, 2018 - Written by Warbaahinta Haqabtire
">

Muqdisho:-(HTN) Xildhibaannada Aqalka Sare ee Baarlamanka Soomaaliya ayaa maanta Kalfadhiga 3aad kulankiisa koobaad ku yeelanayo xarunta ay ku shiraan ee magaladda Muqdisho sida qaar ka mid ah xildhibaannada u sheegeen warbaahinta.


Kulanka maanta ee xubnaha Aqalka Sare ayaa waxaa looga doodi doonaa dhowr Ajande waxaana ugu weyn xeerka dhowridda gobonimada iyo madaxbanaanida Soomaaliya kaa oo shalay Xildhibaanada Golaha Shacabka meel mariyeen islamarkana dalka looga mamnuucay Shirrkadda DP World ee laga leeyahay dalka Isutagga-Imaaraadka Carabta.
Xildhibaannada Aqalka sare ayaa la filayaa inay ansixiyaan xeerka oo kaddibna loo gudbin doona madaxweynaha.
Dhinaca kale Xubnaha Aqalka Sare ayaa daba gal ku sameyn-doona wweerarkii bishii December ee sanadkii 2017da lagu qaaday Guriga uu magaalada Muqdisho ka degan yahay Senator Cabdi xasan Cawaale Qeybdiid.

COMMENTS
Latest News