Haqabtirenews.com
Falafadhigii Labada Ee Aqal Soomaaliya Oo Maanta Furmaya Iyo Heshiiska Dekedda Berbera Oo Lagaga Hadlidoono
March 10, 2018 - Written by Warbaahinta Haqabtire
">

Muqdisho:-(HTN) Waxaa Maanta lagu waddaa in Magaalada Muqdisho uu ka furmo kalfadhiga 3-aad Labada Aqal ee dalka Soomaliya.

Munaasabadda furitaanka ayaa waxaa lagu wadaa inay ka qeyb galaan wakiilo ka socda Beesha Caalamka, Marti sharaf iyo qaar ka mid ah Guddoomiyeyaasha Baarlamaanada maamul gobolleedyada.

Madaxweynaha Soomaaliya Maxamed C/llaahi Farmaajo ayaa khudbadda furitaanka ee dastuuriga ka jeedin doona munaasabadda Kalfadhiga 3aad ee Baarlamaanka labada Aqal.

Khubadda madaxweynaha Soomaaliya ayaa la filayaa in uu ku soo hadal qaado heshiiska saddex geesoodka ah dekedda Berbera.

Munaasabadda maanta ayaa noqon doonta mid furitaan kaliya, oo ay khudbado ka jeedinayaan Madaxweynaha iyo Guddoonka Labada Aqal.

Guddoonka Labada Aqal ee Baarlamaanka Federaalka ayaa maalmo ka hor si wadajir ah ugu dhawaaqay in kalfadhiga 3aad uu furmayo 10-ka bishan oo ku beegan maanta oo Sabti ah, iyadoo loo saaray Guddi Xildhibaano labada dhinac ah oo ka shaqeeya munaasabadda furitaanka.

Ammaanka magaalada Muqdisho ayaa si aad ah loo adkeeyay, iyadoo qaban qaabada Munaasabadda Furitaanka si aad ah looga dareemayo magaalada.

COMMENTS
Latest News