Haqabtirenews.com
Dawlado Carbeed Oo Soo Faro-galiyanaya Khilaafka Dekedda Berbera + Soomaaliya Iyo Imaaraadka Oo La Dhex-dhexaadinayo
March 10, 2018 - Written by Warbaahinta Haqabtire
">

Muqdisho:-(HTN) Dawladda Somalia ayaa sheegtay in dal ay saaxiib dhaw yihiin dalka Imaaraadka Carabta sidoo kalena xidhiidh fiican la leh Somalia uu dhex-dhexaadin doono khilaafka ku saabsan maalgashiga dekedda Berbera oo ay dawladda Farmaajo geed dheer iyo mid gaaban ba u fuushay sidii loo fashilin lahaa.

Hadaba warar lagu kalsoon yahay oo ku saabsan arrintan ayaa sheegaya in dalka Sucuudigu uu yahay dalka la filayo inuu dhex-dhexaadiyo Somalia iyo Imaaraadka, maadaama ay labada dhinac isku wanaagsan yihiin.

Sidoo kale wararka ka soo baxaya Magaalada Qaahira ayaa tibaaxaya war kaas ka duwan oo sheegaya in dawladda Masar ay noqon doonto waddan ay labada dhinacba ku kalsoonaadaan oo dhexdhexaadin karta.

Hadaba dawladda Somalia ayaa ku dedaalaysa sidii ay dalalka carabtu uga qayb qaadayn lahaayeen fashilinta heshiiska dekedda Berbera ee u dhexeeya Somaliland iyo Imaaraadka Carabta.

Xigasho:Barigaafrikanews.com

COMMENTS
Latest News